തൃശൂർ നഗരത്തിൽ കത്തി വീശി ഭീകരാന്തരീക്ഷം സൃഷ്ടിച്ച ഇതര സംസ്ഥാനക്കാരനെ നാട്ടുകാരും പൊലീസും ചേർന്ന് കീഴടക്കി. ഹരിയാന സ്വദേശി ജതീന്ദർ സിംഗ് ആണ് പിടിയിൽ ആയത്. ഒരാളെ കത്തി കൊണ്ട് കുത്താൻ ശ്രമിക്കുന്നത് തടഞ്ഞ ഓട്ടോ ഡ്രൈവർ കല്ലൂർ സ്വദേശി രതീഷിന് പരിക്കേറ്റു. വൈകീട്ട് ഏഴ് മണിയോടെയാണ് സംഭവം. തൃശൂര്‍ കോര്‍പ്പറേഷന് സമീപം വച്ച് ഹരിയാന സ്വദേശിയായ ജതീന്ദര്‍ സിംഗ് യുവാവിനെ കത്തികൊണ്ട് കുത്താന്‍ ശ്രമിക്കുകയായിരുന്നു. ഇത് കണ്ട ഓട്ടോറിക്ഷ ഡ്രൈവര്‍മാരും നാട്ടുകാരും ചേര്‍ന്ന് ഇയാളെ തടഞ്ഞുവച്ചു. ഇതിനിടെ ജതീന്ദര്‍സിംഗ് വീണ്ടും അക്രമാസക്തനായി കത്തിയെടുത്ത് കുത്താന്‍ ശ്രമിച്ചു. ഇത് കൈകൊണ്ട് തടഞ്ഞ കല്ലൂര്‍ പാലക്കപ്പറമ്പ് സ്വദേശിയായ ഓട്ടോറിക്ഷ ഡ്രൈവര്‍ രതീഷിന് പരിക്കേറ്റു. ആക്ട്സ് പ്രവര്‍ത്തകരെത്തി ഇരുവരെയും ജില്ലാ ആശുപത്രിയിലെത്തിക്കുന്നതിനിടെ ജതീന്ദര്‍സിംഗ് ആംബുലന്‍സിലും ഭീകരാന്തരീക്ഷം സൃഷ്ടിച്ചു. ആശുപത്രി ജീവനക്കാരോടും തട്ടിക്കയറി. ഇയാള്‍ ലഹരിയിലായിരുന്നുവെന്നാണ് പറയുന്നു. ആക്രമിച്ച കത്തി പൊലീസ് കണ്ടെടുത്തിട്ടുണ്ട്. ഇയാളുടെ അറസ്റ്റ് രേഖപ്പെടുത്തി. പരിക്കേറ്റ ഓട്ടോ ഡ്രൈവർ രതീഷിന് കൈക്ക് തുന്നലുണ്ട്.
