500 വർഷം തപസിരുന്നാലും ശബരിമല അയ്യപ്പനെതിരെ പ്രവർത്തിച്ച മന്ത്രിക്ക് ശാപമോക്ഷം കിട്ടില്ലെന്ന് നിർമ്മല സീതാരാമൻ: കേരളത്തിൽ എൽ.ഡി.എഫ്-യു.ഡി.എഫ് ഒത്തുകളിയെന്നും കേന്ദ്രമന്ത്രി

15
9 / 100

500 വർഷം തപസിരുന്നാലും ശബരിമല അയ്യപ്പനെതിരെ പ്രവർത്തിച്ച മന്ത്രിക്ക് ശാപമോക്ഷം കിട്ടില്ലെന്ന് കടകംപള്ളി സുരേന്ദ്രനെ പേരെടുത്ത് പറയാതെ കേന്ദ്രമന്ത്രി നിർമ്മല സീതാരാമൻ. മലപ്പുറത്തെ വിവിധ തെരഞ്ഞെടുപ്പ് പ്രചരണ യോഗങ്ങളിൽ സംസാരിക്കുകയായിരുന്നു കേന്ദ്രമന്ത്രി. കേന്ദ്ര ഏജൻസികൾക്കെതിരായി സംസ്ഥാന സർക്കാർ എടുത്ത കേസുകളെയും അന്വേഷണത്തെയും നിർമ്മല പരിഹസിച്ചു. ഭദ്രകാളിയെ പിടിക്കാൻ പിശാച് വരുന്നത് പോലെയാണ് കേരളം കേന്ദ്രത്തിനെതിരെ തിരിയുന്നത്. ഭദ്രകാളി അതിൻറെ ജോലി ചെയ്യുമെന്നും പിശാചിന് മടങ്ങി പോകേണ്ടി വരുമെന്നും നിർമല മലപ്പുറത്ത് പറഞ്ഞു. സ്വർണ്ണക്കടത്ത് കേസിൽ മുഖ്യമന്ത്രിയുടെ ഓഫീസ് നേരിട്ട് പങ്കാളിയായി എന്ന ആരോപണമാണ് വരുന്നത്. അന്വേഷണം നടക്കുമ്പോൾ കേന്ദ്രത്തിന് എതിരെ അന്വേഷിക്കും എന്നാണ് കേരളത്തിന്‍റെ മുഖ്യമന്ത്രി പറയുന്നത്. വിദേശ ശക്തികൾ ഉൾപ്പെട്ടിട്ടുണ്ടോ എന്ന് സംശയിക്കുന്നതിനാൽ കേന്ദ്രം സ്വാഭാവികമായും അന്വേഷിക്കുമെന്നും നിര്‍മ്മല സീതാരാമന്‍ പറഞ്ഞു. ഏറ്റവും കൂടുതൽ കടമെടുക്കുന്ന സംസ്ഥാനമായി കേരളം മാറിയെന്നും കേരളത്തിൽ തൊഴിലില്ലായ്മ രൂക്ഷമെന്നും ദേശീയ ശരാശരിയെക്കാൾ കൂടുതലാണ് കേരളത്തിലെന്നും കേന്ദ്രമന്ത്രി പരിഹസിച്ചു. എൽ.ഡി.എഫ് – യു.ഡി.എഫ് ഒത്തുകളിയാണ് സംസ്ഥാനത്ത് നടക്കുന്നത്. അക്രമവും അഴിമതിയും പ്രീണനവുമാണ് നടക്കുന്നതെന്നും നിർമ്മല ആരോപിച്ചു.