കോവിഡിനെ പിടിച്ചു കെട്ടാൻ എല്ലാ സംസ്ഥാനങ്ങൾക്കും പൂർണ പിന്തുണ നൽകുമെന്ന് പ്രധാനമന്ത്രി നരേന്ദ്ര മോദി

12

കോവിഡിനെ പിടിച്ചു കെട്ടാൻ എല്ലാ സംസ്ഥാനങ്ങൾക്കും പൂർണ പിന്തുണ നൽകുമെന്നും പ്രധാനമന്ത്രി നരേന്ദ്ര മോദി. മൻകീബാത്തിലാണ് പ്രധാനമന്ത്രിയുടെ പ്രതികരണം. കോവിഡ് വ്യാപനത്തെ നേരിടാൻ എല്ലാ നടപടികളും സ്വീകരിച്ചുവരികയാണ്. ഇതിന് സംസ്ഥാന സർക്കാരുകളുടെ പിന്തുണയും ആവശ്യമാണെന്ന് മോദി പറഞ്ഞു. കോവിഡ് രണ്ടാം തരംഗം രാജ്യത്തെ പിടിച്ചുകുലുക്കിയെന്ന് പ്രധാനമന്ത്രി പറഞ്ഞു. ആരോഗ്യ പ്രവർത്തകരുടെ ചെറുത്തുനിൽപ്പിന് അഭിവാദ്യം നേർന്ന മോദി തളരരുതെന്നും പറഞ്ഞു. അതേസമയം, രാജ്യത്ത് സൗജന്യ വാക്‌സിനേഷൻ പദ്ധതി തുടരുമെന്നും പ്രധാനമന്ത്രി പറഞ്ഞു. വാക്‌സിനെക്കുറിച്ചുള്ള കള്ളപ്രചാരണത്തിൽ വീഴരുത്. 45 വയസിന് മുകളിലുള്ളവരുടെ വാക്‌സിനേഷന് സംസ്ഥാനങ്ങൾക്ക് കേന്ദ്രം മരുന്ന് നൽകിയിട്ടുണ്ടൈന്നും പ്രധാനമന്ത്രി കൂട്ടിച്ചേർത്തു. അതേ സമയം രാജ്യം ഏറെ പ്രതീക്ഷയോടെ കാത്തിരുന്ന സഹായ പദ്ധതികളിലോ, നിലപാടോ പ്രധാനമന്ത്രി പ്രഖ്യാപിച്ചില്ലെന്ന വിമർശനവും ഉയർന്നു.