രമേശ് ചെന്നിത്തലയെ പരിഹസിച്ച് എ.വിജയരാഘവൻ: വിശ്വാസ്യതയില്ലാത്ത രേഖകള്‍ ഹാജരാക്കുന്നത് പ്രതിപക്ഷനേതാവിൻറെ കൈത്തൊഴിൽ, പ്രതിക്ഷ നേതാവും മാധ്യമങ്ങളും അടിസ്ഥാന രഹിതമായ ആരോപണങ്ങൾ നിരന്തരം ഉയർത്തുന്നു, ഭരണത്തിൻറ അവസാനകാലത്ത് അയ്യായിരത്തിൻറെയും പതിനായിരത്തിൻറെയും ആരോപണങ്ങളുയരുക സാധാരണമെന്നും വിജയരാഘവൻ

7
8 / 100

ആ​ഴ​ക്ക​ട​ൽ മ​ത്സ്യ​ബ​ന്ധ​ന​ വിവാദത്തില്‍ പ്രതിപക്ഷ നേതാവ് രമേശ് ചെന്നിത്തലക്ക് സി.പി.എം സംസ്ഥാന സെക്രട്ടറി എ. വിജയരാഘവൻറെ മറുപടി. വിശ്വാസ്യതയില്ലാത്ത രേഖകള്‍ ഹാജരാക്കുന്നത് ചെന്നിത്തലയുടെ കൈത്തൊഴിലാണെന്ന് അദ്ദേഹം വിമര്‍ശിച്ചു. ‘ഒരു കടലാസെടുത്ത് ഹാജരാക്കുക എന്നത് പ്രതിപക്ഷ നേതാവിന്‍റെ കൈത്തൊഴിലാണ്. അതിന് വിശ്വാസ്യത വേണമെന്ന് അദ്ദേഹത്തിന് നിര്‍ബന്ധമില്ല’. വിജയരാഘവൻ പറഞ്ഞു.

‘പ്രതിക്ഷ നേതാവും മാധ്യമങ്ങളും അടിസ്ഥാന രഹിതമായ ആരോപണങ്ങൾ നിരന്തരം ഉയർത്തുന്നുണ്ട്. ജനങ്ങൾ ഇതെല്ലാം കാണുന്നുണ്ട്. വ്യാജ ആരോപണങ്ങളും വാർത്തകളും പടച്ചുവിട്ട ശേഷം കേസ് കൊടുക്കാൻ പറയുന്ന തന്ത്രം ഈ നാട്ടിൽ ചെലവാകില്ല’ വിജയരാഘവൻ പറഞ്ഞു.

ആഴക്കടല്‍ മത്സ്യബന്ധന വിഷയത്തില്‍ മുഖ്യമന്ത്രി വിഷയം വ്യക്തമാക്കിയതാണ്. വിദേശ ട്രോളറുകള്‍ക്കോ തദ്ദേശീയ കോര്‍പറേറ്റ് ട്രോളറുകള്‍ക്കോ ആഴക്കടല്‍ മത്സ്യബന്ധനം നടത്താതിരിക്കാനാണ് വലിയ സമ്മര്‍ദ്ദം ഈ സര്‍ക്കാര്‍ കേന്ദ്രസര്‍ക്കാരില്‍ ചെലുത്തിയത്. കേന്ദ്രം അനുവാദം പിന്‍വലിക്കണം എന്നാണ് കേരള സര്‍ക്കാര്‍ ആവശ്യപ്പട്ടത്. ഈ അനുവാദം കൊടുത്തത് നരസിംഹറാവു പ്രധാനമന്ത്രിയായ കാലത്താണ്.

നിയമവിരുദ്ധവും തൊഴിലാളി വിരുദ്ധവുമായ ഒരു കാര്യവും ഈ സർക്കാർ ചെയ്യില്ല. ഭൂമിക്കച്ചവടക്കാരുടെ താൽപര്യം ഉണ്ടാവാതിരിക്കാനുള്ള ജാഗ്രത എൽ.ഡി.എഫും സർക്കാരും പുലർത്തുണ്ട്. തെറ്റായ ഒരു പ്രവർത്തനവും ഇടത് സർക്കാർ ചെയ്യില്ല. അദ്ദേഹം വ്യക്തമാക്കി. ഭരണത്തിൻറെ അവസാന സമയത്ത് അയ്യായിരത്തിൻറെയും പതിനായിരത്തിൻറെയും കോടികളുടെ ആരോപണങ്ങളുയരുന്നത് സാധാരണമാണെന്നും വിജയരാഘവൻ പറഞ്ഞു.