പ്രഥമ ഹരീതകി പ്രതിഭാ പുരസ്‌കാരം മേളകലാരത്നം കിഴക്കൂട്ട് അനിയന്‍ മാരാര്‍ക്ക് സമര്‍പ്പിച്ചു. വാദ്യകലാരംഗത്ത് നല്‍കിയ സമഗ്ര സംഭാവനകള്‍ക്കാണ് പുരസ്‌കാരം. പുരസ്‌കാരദാന ചടങ്ങ് ലക്കിടി കിള്ളികുറുശ്ശിമംഗലത്ത് നടന്നു. ഹരീതകി സംഗീതസന്ധ്യ-2023 സംഗീത പരിപാടിയില്‍വെച്ച് സിനിമാ പിന്നണി ഗായകരായ മധു ബാലകൃഷ്ണന്‍, ശ്വേത മോഹന്‍ എന്നിവരാണ് പുരസ്‌കാരം സമ്മാനിച്ചത്.
25001 രൂപയും, പ്രശസ്തി പത്രവും, ഫലകവും അടങ്ങുന്നതാണ് പുരസ്‌കാരം. ചിനക്കത്തൂര്‍ പൂരത്തോടനുബന്ധിച്ച് കലാ-സാംസ്‌കാരിക-സാമൂഹ്യ-സാഹിത്യ-സംഗീത രംഗത്തെ കലാകാരന്മാരില്‍നിന്നും തിരഞ്ഞെടുത്തവര്‍ക്ക്, പാലക്കോട്‌സ് അസോസിയേറ്റ്‌സ് പ്രൈവറ്റ് ലിമിറ്റഡ് നല്‍കുന്ന പുരസ്‌കാരമാണിത്.
ഹരീതകി സി.ഇ.ഒ സുരേഷ് പാലക്കോട്ട്, പി.ആര്‍ മാനേജര്‍ സുനില്‍ പാലക്കോട്ട്, കിഴക്കൂട്ട് മനോജ് മാരാര്‍, ചിനക്കത്തൂര്‍ പൂരം തെക്കുമംഗലം ദേശം പൂരകമ്മിറ്റി ഭാരവാഹികള്‍ എന്നിവര്‍ ചടങ്ങില്‍ സംബന്ധിച്ചു.
