കേരള യാത്ര ചൊവ്വാഴ്ച തൃശൂർ ജില്ലയിൽ പ്രവേശിക്കും

17
4 / 100

പ്രതിപക്ഷ നേതാവ്​ രമേശ്​ ചെന്നിത്തല നയിക്കുന്ന യു.ഡി.എഫിൻറെ ഐശ്വര്യ കേരള യാത്ര ചൊവ്വാഴ്ച ജില്ലയിൽ പ്രവേശിക്കും. രണ്ട് ദിവസങ്ങളിലായി ജില്ലയിൽ പര്യടനം നടത്തും. ചൊവ്വാഴ്​ച രാവിലെ 9.30ന്​ ജില്ല അതിർത്തിയായ പഴയന്നൂരിൽ ഡി.സി.സി പ്രസിഡൻറ്​ എം.പി. വിൻസെൻറി​ൻറെ നേതൃത്വത്തിൽ യാത്രയെ സ്വീകരിക്കും. 10ന്​ ചേലക്കര, 11ന്​ വടക്കാഞ്ചേരി, 12ന്​ കുന്നംകുളം, നാലിന്​ ചാവക്കാട്​, അഞ്ചിന്​ കാഞ്ഞാണി എന്നിവിടങ്ങളി സ്വീകരണത്തിന്​ ശേഷം ആറിന്​ തൃശൂർ തെക്കെഗോപുര നടയിൽ ആദ്യ ദിവസത്തെ പര്യടനം സമാപിക്കും. തൃശൂർ, ഒല്ലൂർ മണ്ഡലങ്ങൾ സംയുക്തമായി​ തൃശൂർ നഗരത്തിൽ സ്വീകരണം നൽകും. ബുധനാഴ്​ച രാവിലെ 10ന്​ ആമ്പല്ലൂരിൽ നിന്നും പരിപാടി തുടങ്ങും. 11.30ന്​ ഇരിങ്ങാലക്കുട, മൂന്നിന്​ ചേർപ്പ്​, നാലിന്​ കയ്​പമംഗലം മൂന്നുപീടിക, അഞ്ചിന്​ ​െ​കാടുങ്ങല്ലൂർ എന്നിവിടങ്ങളിൽ സ്വീകരണത്തിന്​ ശേഷം ആറിന്​ ചാലക്കുടിയിൽ ജില്ല പര്യടനം അവസാനിക്കും.