ജിഹാദികളുടെ മണ്ടക്ക് തന്നെ കൊണ്ടു, ഞാൻ ചാരിതാർത്ഥ്യനായി: വൈറൽ ഡാൻസേഴ്സിൻറെ പിന്തുണക്കെതിരെ വീണ്ടും വിദ്വേഷ കുറിപ്പുമായി സംഘപരിവാർ അനുകൂല അഭിഭാഷകൻ

40

മുളങ്കുന്നത്തുകാവ് മെഡിക്കൽ കോളജിലെ വൈറൽ ഡാൻസേഴ്‌സായ നവീനും ജാനകിക്കുമെതിരെ വീണ്ടും വിദേഷ പോസ്റ്റുമായി സംഘപരിവാർ അനുകൂല അഭിഭാഷകൻ കൃഷ്ണരാജ്. ജിഹാദികളുടെ മണ്ടക്ക് തന്നെ കുറിപ്പ് കൊണ്ടുവെന്ന് അദ്ദേഹം ഫേസ്ബുക്കിലൂടെ പ്രതികരിച്ചു.

‘ജിഹാദികൾക്കും ഡേ ടൈം സഖാക്കളായ നൈറ്റ് ടൈം ജിഹാദികൾക്കും ഇന്നത്തെ ജാനകിയും റസാക്കും എന്ന പോസ്റ്റ് കൊള്ളേണ്ടിടത്തു കുറിക്കു തന്നെ കൊണ്ടു. ജിഹാദികൾ മറനീക്കി പുറത്തുവന്നു. ഇത്രയേ ഉണ്ടായിരുന്നുള്ളൂ എന്റെ ഉദ്ദേശ്യവും’ – അദ്ദേഹം കുറിച്ചു.

കുറിപ്പ് വായിക്കാം

ജിഹാദികളുടെ മണ്ടക്ക് തന്നെ കുറിക്ക് കൊണ്ടു.

ജിഹാദികൾക്കും ഡേ ടൈം സഖാക്കളായ നൈറ്റ് ടൈം ജിഹാദികൾക്കും ഇന്നത്തെ ജാനകിയും റസാക്കും എന്ന പോസ്റ്റ് കൊള്ളേണ്ടിടത്തു കുറിക്കു തന്നെ കൊണ്ടു.

എന്തൊരു വെറളിയും വെപ്രാളവും. ജിഹാദി മാധ്യമങ്ങൾ ഇളകിയാടി. ജിഹാദി മാധ്യമങ്ങളുടെ വക ജിഹാദികൾക്ക് പൊങ്കാലക്കുള്ള ഒഫിഷ്യൽ ക്ഷണം. കമെന്റ് ബോക്‌സ് തുറന്ന് തന്നെ വെച്ചു. അറിയണമല്ലോ.

ഒരു മതത്തിന്റെ കാര്യവും പരാമർശിക്കാത്ത പോസ്റ്റ് വളരെ പെട്ടെന്ന് ലൗ ജിഹാദിനെതിരെയുള്ള പോസ്റ്റ് ആയി മാറി. കമന്റുകൾ വായിക്കാറില്ലെങ്കിലും അതിന്റെ എണ്ണം കണ്ടപ്പോൾ കാര്യം പുടികിട്ടി. അത് കണ്ട് മനസ്സ് നിറഞ്ഞു.

എന്തായാലും ആശയവും സന്ദേശവും എത്തേണ്ടിടത്തു എത്തി. കൊള്ളേണ്ടിടത്തു കൊണ്ടു.

ഹിന്ദു ക്രിസ്ത്യൻ കുഞ്ഞുങ്ങൾക്കും മാതാപിതാക്കൾക്കും കാര്യങ്ങൾ കുറച്ചു കൂടി വ്യക്തമായി. ജിഹാദികൾ മറ നീക്കി പുറത്ത് വന്നു. ഇത്രേ ഉണ്ടായിരുന്നുള്ളൂ എന്റെ ഉദ്ദേശ്യവും. ഞാൻ ചാരിതാർത്ഥ്യനായി.