വാള് വീശി നാടുവിട്ട കുപ്രസിദ്ധ ഗുണ്ടയെ മുംബൈയിൽ നിന്ന് പൊക്കി തൃശൂർ പോലീസ്

118

തൃശൂർ ജില്ലയിലെ കുപ്രസിദ്ധ ഗുണ്ടയെ മുംബൈയിലെ ഒളിസങ്കേതത്തിൽ നിന്ന് പോലീസ് പിടികൂടി. കാട്ടൂർ സ്വദേശി നന്ദനത്തുപറമ്പിൽ ഹരീഷിനെയാണ് (47) തൃശൂർ റൂറൽ എസ്.പി. ഐശ്വര്യ ഡോങ്ങ്‌ഗ്രേയുടെ നേതൃത്വത്തിൽ ഇരിങ്ങാലക്കുട ഡി.വൈ.എസ്.പി. ബാബു. കെ.തോമസിന്റെ സംഘം സാഹസികമായി പിടികൂടിയത്. തിങ്കളാഴ്ച പുലർച്ചെ
ഇയാൾ ഒളിവിൽ കഴിഞ്ഞിരുന്ന ബഹു നില ഫ്ലാറ്റിലേക്ക് അഞ്ചംഗ പോലീസ് ഇരച്ചുയറി ഇയാളെ കീഴ്പ്പെടുത്തുകയായിരുന്നു. മുപ്പത്തെട്ടോളം ക്രിമിനൽ കേസുകളിൽ പ്രതിയാണ് പിടിയിലായ ഹരീഷ്. കഴിഞ്ഞ വർഷം ഇയാൾ പഴുവിൽ സ്വദേശിയെ തല്ലിയ കേസ്സിലും, പോലീസിനു നേരേ വാളു വീശിയ കേസിലും ഒളിവിൽ പോയിരുന്നു. അന്ന് കരണ്ണാടകയിലെ കോളാറിൽ നിന്ന് ഏറെ ശ്രമകരമായാണ് ഇയാളെ പിടികൂടിയത്. ജയിലിൽ നിന്ന് ജാമ്യത്തിൽ ഇറങ്ങിയ ശേഷം പാലാരിവട്ടം സ്വദ്ദേശിയെ ദേഹോപദ്രവം ഏൽപ്പിച്ച കേസ്സിൽ പ്രതിയായി. ആ കേസിലും ഇയാൾ പിടികിട്ടാപുള്ളിയാണ്. അതിനു ശേഷം ഇക്കഴിഞ്ഞ ജൂണിൽ രഹസ്യമായി അന്തിക്കാട് എത്തിയ ഹരീഷ് വഴിയരികിൽ നിൽക്കുകയായിരുന്ന താന്ന്യം സ്വദേശിയെ പ്രകോപനമില്ലാതെ വടിവാൾ കൊണ്ട് ആക്രമിക്കാൻ ശ്രമിച്ചു. നാടിനും ഭീഷണിയായ ഇയാൾ പോലീസിനും നിരന്തരം തലവേദനയാണ് ഇയാൾക്കെതിരെ കാപ്പ ചുമത്തിയാണ് ഇപ്പോൾ അറസ്റ്റ് ചെയ്തിട്ടുള്ളത്. കാട്ടൂർ സ്റ്റേഷനിൽ ഇരുപത്തിനാലു ക്രിമിനൽ കേസ്സുകളിൽ പ്രതിയായ ഹരീഷ് വലപ്പാട് ആറും ചേർപ്പ് രണ്ടും കേസ്സുകളിൽ പ്രതിയാണ്.അന്തിക്കാട്, , കളമശ്ശേരി, കൊടകര , വാടാനപ്പിള്ളി, ഒല്ലൂർ , മതിലകം, പാലാരിവട്ടം തുടങ്ങി ഒൻപത് സ്റ്റേഷനിൽ വിവിധ കേസുകളിൽ പ്രതിയാണ്. അന്തിക്കാട് ഇൻസ്പെക്ടർ പി.കെ.ദാസ്, കാട്ടൂർ ഇൻസ്പെക്ടർ മഹേഷ് കുമാർ, എസ്.ഐ. അരിസ്റ്റോട്ടിൽ, സ്റ്റീഫൻ, എ.എസ്.ഐ മരായ പി.ജയകൃഷ്ണൻ. മുഹമ്മദ് അഷറഫ്, സീനിയർ സി.പിഒ മാരായ ഇ.എസ്. ജീവൻ, സോണി സേവ്യർ , സി.പി.ഒ മാരായ ശബരി കൃഷ്ണൻ , കെ.എസ്. ഉമേഷ്, എം.വി. മാനുവൽ ഷറഫുദ്ദീൻ എന്നിവരാണ് പോലീസ് സംഘത്തിൽ ഉണ്ടായിരുന്നത്

Advertisement
Advertisement