ഓഹരി വിപണിയിൽ നഷ്ടത്തോടെ തുടക്കം

2
8 / 100

ഓഹരി വിപണിയിൽ നഷ്ടത്തോടെ തുടക്കം. സെൻസെക്‌സ് 162 പോയന്റ് താഴ്ന്ന് 49,583ലും നിഫ്റ്റി 40 പോയന്റ് നഷ്ടത്തിൽ 14,832ലുമാണ് വ്യാപാരം ആരംഭിച്ചത്. 
ബിഎസ്ഇയിലെ 430 ഓഹരികൾ നഷ്ടത്തിലും 756 ഓഹരികൾ നേട്ടത്തിലുമാണ്. 75 ഓഹരികൾക്ക് മാറ്റമില്ല. ഉയരുന്ന കോവിഡ് കേസുകളും ഏഷ്യൻ സൂചികകളിലെ നഷ്ടവുമാണ് രാജ്യത്തെ സൂചികകളിലും പ്രതിഫലിച്ചത്. 
മാരുതി സുസുകി, മഹീന്ദ്ര ആൻഡ് മഹീന്ദ്ര, എൻടിപിസി, നെസ് ലെ, ടെക് മഹീന്ദ്ര, ബജാജ് ഫിൻസർവ്, റിലയൻസ്, ഏഷ്യൻ പെയിന്റ്‌സ്, എസ്ബിഐ, ഭാരതി എയർടെൽ, എച്ച്ഡിഎഫ്‌സി ബാങ്ക് തുടങ്ങിയ ഓഹരികളാണ് നഷ്ടത്തിൽ. 
ഹിന്ദുസ്ഥാൻ യുണിലിവർ, പവർഗ്രിഡ് കോർപ്, സൺ ഫാർമ, ബജാജ് ഓട്ടോ, ഒ.എൻ.ജി.സി, ഡോ.റെഡ്ഡീസ് ലാബ്, ഐടിസി, ഇൻഫോസിസ് തുടങ്ങിയ ഓഹരികൾ നേട്ടത്തിലുമാണ്.